Sumqayıtlı bacı-qardaşdan böyük uğur: eyni sinifdən eyni universitetə

Sumqayıt şəhər Təbiət Elmləri Təmayüllü Gimnaziyanın 11a sinfində təhsil alan bacı-qardaş Mursaquliyeva İnci və Mursaquliyev Həmid bu il yüksək nəticə göstərərək tələbə adını qazanıblar.
AZƏRTAC xəbər verir ki, bu barədə Abşeron-Xızı Regional Təhsil İdarəsi məlumat yayıb.
Bacı-qardaş olmaqla yanaşı, sinif yoldaşı olan İnci və Həmid eyni ildə Azərbaycan Tibb Universitetinin Tibb fakültəsinə qəbul olunublar. Mursaquliyeva İnci – 690,2 bal, Mursaquliyev Həmid – 667 bal toplayıblar.