Elm və təhsil naziri vətəndaşların müraciətlərini dinləyəcək

Elm və təhsil naziri Emin Əmrullayev sentyabrın 18-də Yardımlı şəhərində vətəndaşların müraciətlərini dinləyəcək.
Nazirlikdən AZƏRTAC-a bildirilib ki, qəbulda Yardımlı, Masallı və Cəlilabad rayonlarının sakinləri iştirak edə bilərlər.
Vətəndaşlar sentyabrın 8-i saat 18:00-dək Elm və Təhsil Nazirliyinin Çağrı Mərkəzinin 146-11 nömrəli telefonuna (yalnız iş günləri və iş saatlarında) zəng etməklə qəbula yazıla bilərlər.
Həmçinin nazirliyin rəsmi saytının “Əlaqə” bölməsi vasitəsilə elektron formada və ya “WhatsApp” tətbiqi ilə müraciət göndərmək mümkündür.
Qəbulda iştirak etmək üçün əvvəlcədən qeydiyyatdan keçmək mütləqdir.