Paytaxt üzrə 65 məktəbdə peşə təmayüllü siniflər fəaliyyət göstərir

Bakı Şəhəri üzrə Təhsil İdarəsinin tabeliyindəki 65 təhsil müəssisəsində “Peşə təmayüllü siniflərin təşkili” layihəsi tətbiq olunur.
Təhsil İdarəsindən AZƏRTAC-a bildirilib ki, məktəblərdə peşə təmayüllü siniflərin yaradılmasının əsas məqsədi ümumi təhsil bazasında təhsilalanların müxtəlif peşələr üzrə ilkin bilik və bacarıqlara yiyələnməsinin təmin edilməsindən, peşə ixtisasları barədə məlumatlandırılmaqla əmək bazarına, eləcə də peşə təhsilinə hazırlanmasından ibarətdir.