Azərbaycan Texnologiya Universiteti "AD Scientific Index 2026" reytinqində ölkə üçüncüsü oldu

Azərbaycan Texnologiya Universiteti (ATU) elmi göstəricilərə əsaslanan "AD Scientific Index 2026" beynəlxalq reytinqində növbəti böyük uğura imza atıb. Universitet Azərbaycan üzrə bir pillə irəliləyərək ilk üçlükdə yer alıb, region universitetləri arasında isə liderliyini qoruyub.
 
Bu nəticələr "AD Scientific Index" platformasının Azərbaycan üzrə açıqladığı - 54 universitet və elmi institut, eləcə də 2 289 alim üzrə aparılmış geniş təhlilin yekunlarında öz əksini tapır. Reytinq universitetlərin elmi məhsuldarlıq səviyyəsi, tədqiqat göstəriciləri, elmi işlərə edilən sitatlar və alimlərin qlobal elmi nüfuzu əsasında müəyyən edilir.
 
Ölkədə universitetlərin ilk üçlüyü aşağıdakı kimi formalaşıb:
1-ci yer Bakı Dövlət Universiteti, 2-ci yer Azərbaycan Dövlət Neft və Sənaye Universiteti, 3-cü yer Azərbaycan Texnologiya Universiteti
 
Qeyd edək ki, Azərbaycan Texnologiya Universiteti “AD Scientific Index”in daha əvvəlki reytinq cədvəlində ölkə üzrə 4-cü, region universitetləri arasında isə yenə də 1-ci yerdə idi.