QS qlobal reytinqində Azərbaycan üzrə inkişaf perspektivləri müzakirə edilib

Elm və təhsil naziri Emin Əmrullayev “Quacquarelli Symonds” (QS) qlobal reytinq agentliyinin regional direktoru Sergey Xristolyubov ilə görüşüb.
Nazirlikdən bildirilib ki, Elm və Ali Təhsil üzrə Dövlət Agentliyinin əməkdaşlarının da iştirak etdiyi görüş zamanı QS qlobal reytinqində ölkəmiz üzrə ümumi nəticələr, həmçinin Azərbaycan universitetlərinin bir sıra istiqamətlər üzrə göstəricilərinin təhlili təqdim edilib, inkişaf perspektivləri müzakirə olunub.