Mingəçevir Dövlət Universitetinin dosenti Polşada konfransda çıxış edəcək
Mingəçevir Dövlət Universitetinin Humanitar fənlər kafedrasının dosenti Namaz Manafov professor Məhəmməd Sadıq bəy Ağabəyzadənin elmi irsinin tədqiqi üzrə Polşa - Azərbaycan komissiyası tərəfindən həyata keçirilən elmi layihə çərçivəsində yubiley tədbirlərdə iştirak etmək üçün Polşa Universitetindən dəvət almışdır.
Qeyd edək ki, general-mayor Məhəmməd Sadıq bəy Ağabəyzadə Azərbaycan Xalq Cümhuriyyəti dövründə nazir müavini, Cümhuriyyətin süqütündan sonra mühacır həyatı yaşamış, Polşanın Yan Kazimir adına Lvov Universitetinin professoru olmuş, Universitetdə türk, ərəb, fars dillərinin tədris etmişdir.
Layihə çərçivəsində Komissiyanın elmi iclası Varşava Universitetinin Şərqşünaslıq fakültəsində keçiriləcəkdir. İclasda Varşava Universitetinin, Yagellon Universitetinin (Mərkəzi Avropanın ən qədim Universiteti sayılır -1364-cü il), Azərbaycan elmi qurumlarının aliməri iştirak edəcəklər.
Proqrama həmçinin Vroslav şəhərindəki Milli Ossolinski İnstitutunda (bu institutut 1946-ci ilə kimi Lvovda fəaliyyət göstərib), Polşa Elmlər Akademiyasında və Polşa İncəsənət və Elmlər Akademiyasının Elmi Arxivlərində arxiv araşdırmaları daxildir.
Respublikamızın alimləri 29 may 2025-ci il tarıxdə Polşa İncəsənət və Elmlər Akademiyasında Məhəmməd Sadıq bəy Ağabəyzadənin 160 illik yubileyi münasibətil keçiriləcək sərginin açılış mərasimində iştirak edəcəklər.
Elə həmin gün Krakov Universitetində Məhəmməd Sadıq bəyin 160 illiyi münasibətilə Elmi konfrans keçiriləcəkdır.
Konfransda Azərbaycan alimləri – Azərbaycan Milli Elmlər Akademiyası Ziya Bünyadov adına Şərqşünaslıq İnstitutunun Baş elmi işçisi, tarıx elmləri doktoru, professor Əməkdar elm xadimi Solmaz Rüstəmova (Tohidi). Azərbaycan Milli Elmlər Akademiyası Elmi irs şöbəsinin müdiri, AMEA Ekspert Yoxlama Komissiyasının sədri, tarıx elmləri doktoru Zemfira Hacıyeva və Azərbaycan Respublikası Elm və Təhsil Nazirliyi Mingəçevir Dövlət Universitetinin dosenti, filologiya üzrə fəlsəfə doktoru Namaz Manafov azərbaycanlı vətənpərvər Məhəmməd Sadıq bəy Ağabəyzadənın həyat və yaradıcılığına həsr olunmuş məruzələrlə çıxış edəcəklər.
Tarix: 12-04-2025, 19:26