Mingəçevir Dövlət Universitetində magistrantların elmi-pedaqoji təcrübəsi davam edir

 Elmi-pedaqoji təcrübə Mingəçevir Dövlət Universitetinin rektoru vəzifəsini müvəqqəti içra edən Üzeyir Zeynalovun əmri ilə rəsmiləşdirilib və II tədris ilinin II semestrində (4 həftəlik) 20 gün müddətinə aparılır.  

   Azərbaycan dili və ədəbiyyatı ixtisası üzrə təcrübəyə Humanitar fənlər kafedrasının təcrübəlı  müəllimləri filologiya üsrə fəlsəfə doktoru, dosent Namaz Manafov, filologiya üzrə elmlər doktoru Flora Namazova, filologiya üzrə fəlsəfə doktorları baş müəllimlər Maarifə Manafova,  Rahilə Məmmədova, Günel Behbudova, Səadət Ağakişiyeva rəhbərlik edirlər.

   Magistrantlar təqdim edilmiş mövzular üzrə mühazirələr hazırlayır, seminar dərsləri keçirlər.  Məqsəd magistrantların  nəzəri biliklərini tədris-praktiki şəraitdə tətbiq etməklə pedaqoji səriştəyə daha dərindən yiyələnməkdir.

    Magistrantlara Universitetin   kitabxanasından,   laboratoriyalarından, təcrübə rəhbərinin nəzarəti ilə, bütün maddi-texniki bazasından istifadə hüququ verilib.

  Bu şəkillər Azərbaycan dili və ədəbiyyatı ixtisası üzrə II kurs magistrantı Jalə Azər qızı Azərlinin Filologiya ixtisası üzrə I kursda “Dilçiliyin tarıxı” fənnindən dərsi zamanı çəkilib.  Dərsdə magistrantın elmi rəhbəri dosent Namaz Manafov  və magistrantın tələbə dostları iştirak edirlər. 

    Dərs diqqətlə dinlənildi, Humanitar fənlər kafedrasında geniş təhlil olundu, magistrant yüksək balla qiymətləndirildi.

      “TƏHSİL”