Mingəçevir Dövlət Universitetində 2 tədbir
HEYDƏR ƏLİYEV XATİRƏLƏRDƏ
Mingəçevir Dövlət Universitetində (MDU) “Heydər Əliyev İli” çərçivəsində Beynəlxalq və Respublika elmi konfransları, layihələr, görüşlər, məzun formları, əmək yarmarkası, tələbələrin əl işlərindən ibarət sərgilər, idman yarışları və s. maraqlı tədbirlər həyata keçirilir.
14 noyabr 2023-cü il tarixdə Mingəçevir Dövlət Universitetində “Heydər Əliyev xatirələrdə “ layihəsi çərçivəsində növbəti görüş keçirilmişdir.
Görüşün qonağı Azərbaycan Respublikası Elm və Təhsil Nazirliyinin
Riyaziyyat və Mexanika İnstitutunun Baş Direktoru, AMEA-nın müxbir üzvü, professor Misir Mərdanov idi.
Mingəçevir Dövlət Universitetinin rektoru Şahin Bayramov hörmətli qonağı salamladı, Ümummilli lider tərəfindən Misir Mərdanovun əvvəlcə Bakı Dövlət Universitetinin rektoru, sonra isə Azərbaycan Respublikası Təhsil Naziri təyin edildiyini qeyd etdi. Sonra söz Riyaziyyat və Mexanika İnstitutunun Baş Direktoru, AMEA-nın müxbir üzvü, Professor Misir Mərdanova verildi.
Misir Mərdanov Ümummilli Lider Heydər Əliyevin zəngin irsi, yüksək idarəçilik məharəti, liderlik keyfiyyətləri, elm və təhsilin inkişafına qayğısı, milli- mənəvi dəyərlərə bağlılığı və digər məsələlər barədə ətraflı danışdı, dahi şəxsiyyətlə bağlı şəxsi xatirələrini bölüşdü.
Misir Mərdanov görüş iştirakçılarının çoxsaylı suallarını cavablandırdı və müəllifi olduğu kitabları tədbir iştirakçılarına və Mingəçevir Dövlət Universitetinin kitabxanasına hədiyyə etdi.
Mingəçevir Dövlət Universitetinin rektoru Şahin Bayramov maraqlı, faydalı, yaddaqalan görüşə görə hörmətli qonağa MDU ailəsi adından təşəkkür etdi.
Axırda tədbir iştirakçıları xatirə şəkilləri çəkdirdilər.
QARŞILIQLI ƏMƏKDAŞLIQ HAQQINDA ANLAŞMA
Azərbaycan Elm və Təhsil Nazirliyinin Riyaziyyat və Mexanika İnstitutunun professor-müəllim heyəti Mingəçevir Dövlət Universitetində olmuşdur. Qonaqlar universitetin auditoriyaları, laboratoriyaları ilə tanış olmuş, məşğələlərdə iştirak etmişlər.
Sonra Mingəçevir Dövlət Universiteti (MDU) ilə Azərbaycan Respublikası Elm və Təhsil Nazirliyinin Riyaziyyat və Mexanika İnstitutu arasında qarşılıqlı əməkdaşlıq haqqında Anlaşma Memorandumu imzalanmışdır.
İki qurum arasında yaradılacaq qarşılıqlı faydalı əməkdaşlıq elm və ali təhsilin vəhdətini dəstəkləyən əsas istiqamətləri əhatə edəcəkdir.
Mingəçevir Dövlət Universitetinin rektoru Şahin Bayramov göstərilən dəstəyə görə Riyaziyyat və Mexanika İnstitutunun Baş Direktoru Misir Mərdanova minnətdarlığını bildirmişdir.
Namaz MANAFOV
MDU-nun dosenti,
filologiya üzrə fəlsəfə doktoru
Tarix: 15-11-2023, 12:37