Başsağlığı
2023-cü il iyul ayının 14-də Abşeron Rayon Ağsaqqallar Şurasının sədri Ağayev Nadir Şirxan oğlu ömrünün 75-cü ilində vəfat etmişdir.
Nadir Ağayev uzun ullər pedaqoji sahədə çalışmış, səmərəli fəaliyyəti ilə insanların hörmət və sevgisini qazanmışdır. Ölkəmizdə təhsilin inkişafına mühüm töhfələr vermiş, gənclərimizin maariflənməsində və nümunəvi vətəndaşlar olaraq həyata vəsiqə qazanmalarında əvəzsiz xidmətlər göstərmişdir. N. Ağayev dəyərli ziyalı kimi ölkəmizin ictimai-siyasi həyatında yaxından iştirakı ilə doğma Vətənimizin inkişafında mühüm rol oynamış, gənc nəslin milli adət-ənənələrə bağlılıq və vətənpərvərlik ruhunda tərbiyəsi işinə hər zaman xüsusi diqqət yetirmişdir.
Bu ağır itki ilə əlaqədar dərindən kədərləndiyimizi bildirir, mərhumun ailəsinə və yaxınlarına dərin hüznlə başsağlığı veririk.
Allah rəhmət eləsin!
Dərin hüznlə,
"Təhsil" jurnalının baş redaktoru, yazıçı-publisist
Nizami Mirzə
Tarix: 14-07-2023, 19:00