Yeni vahid məktəbli formalarının tətbiqinə başlanılır

Bu ildən etibarən ölkə üzrə yeni vahid məktəbli formalarının tətbiqinə başlanılır.
AZƏRTAC xəbər verir ki, bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev media nümayəndələri ilə keçirilən görüşdə deyib.
Onun sözlərinə görə, 2023-2024-cü tədris ilindən etibarən şagirdlər yeni vahid məktəbli formasına keçid edəcəklər: “Hər il məktəbin pedaqoji şurası toplanır və formaya keçid haqqında müzakirə aparır. Nazirlik olaraq mart ayının sonunadək pedaqoji şuraların keçirilməsini bildirdik. Ola bilər ki, məktəb formadan imtina etsin. Yeni formalara keçidi məktəb, pedaqoji şura müəyyən edir. Məktəb vahid formaya keçid etməyə bilər. Pedaqoji şura formadan imtina edərsə, şagirdlərdən vahid forma tələb edilməyəcək”.