Ümummilli Lider Heydər Əliyevin 100 illik yubileyinə həsr olunmuş bayram konserti
Bakı Dövlət Universitetinin (BDU) Hazırlıq sektorunun təşkilatçılığı ilə əcnəbi tələbələrin Ümummilli Lider Heydər Əliyevin 100 illik yubileyinə həsr olunmuş “Sən elə bir zirvəsən” adlı bayram konserti keçirilib.
Əvvəlcə BDU-nun əcnəbi tələbələrinin ifasında Dövlət himni səsləndirilib, Ümummilli Lider Heydər Əliyevin və Azərbaycanın azadlığı uğrunda həlak olan şəhidlərin əziz xatirələri bir dəqiqəlik sükutla yad edilib.
Əcnəbi tələbələr Ulu Öndər Heydər Əliyevlə bağlı təqdimatlar edib, onun kəlamlarını səsləndiriblər. Ümummilli Lider Heydər Əliyevə, Azərbaycana həsr olunmuş şeirlər deyib, mahnılar oxuyublar.
Daha sonra Hazırlıq sektoru tələbələrinin Ulu Öndərə həsr etdikləri slayd nümayiş olunub. 
Tarix: 10-05-2023, 21:24
Xəbəri paylaş