Mingəçevir Dövlət Universiteti alimlərinin məqalələri Polşanın elmi jurnalında dərc olunub
Mingəçevir Dövlət Universitetində professor-müəllim heyətinin elmi fəaliyyətinə daim diqqət yetirilir, universitetdə tez-tez elmi konfranslar, seminarlar təşkil olunur, əməkdaşların elmi məqalələri dünyanın nüfuzlu elmi nəşrlərində dərc edilir.
2023-cü ilin fevral ayında Humanitar fənlər kafedrasının dosenti, filologiya üzrə fəlsəfə doktoru Namaz Manafovun “Ceyhun Hacıbəylinin elmi yaradıcılığında Qarabağ dialekti” (“Karabakh dialect in the scientific work of Jeyhun Hajibaylı“) adlı məqaləsi və həmin kafedranın müəllimi Maarifə Manafovanın “Ümumtürk dilləri dialekt və şivələrinin qarşılıqlı inteqrasiyası (Professor Mahirə Hüseynovanın tədqiqatlarında”) (Mutual inteqration of dialects and accents of common turkic languages ( İn hhe stugies of professor Mahira Huseynova) adlı məqaləsi Polşada çıxan “Polisn journal of science” (№ 59 2023, DOİ, SJİF İmpact Factor) elmi jurnalının Filologiya bölməsində dərc edilmişdir.
Dosent N.Manafov məqaləsində Azərbaycan ədəbiyyatının tanınmış nümayəndəsi, yazıçı-publisist, tərcüməçi, naşir və ictimai xadim olan Ceyhun Hacıbəylinin elmi yaradıcılığında dilçilik görüşlərini ön plana çəkmiş, oxuculara Ceyhun Hacıbəylini həm də istedadlı dilçi, dialektoloq, türkoloq kimi təqdim etmişdir.
Filologiya elmləri namizədi M. Manafovanın məqaləsində isə Avropa oxucular istedadlı alim, professor Mahirə Hüseynovanın çoxşaxəli elmi yaradıcılığı ilə tanış olurlar.
Tarix: 27-02-2023, 21:21