452 BDU könüllüsü Laçın-Xankəndi yolundakı ekoaksiyada aktiv iştirak edir

“BDU könüllüləri” təşkilatının üzvləri Azərbaycanın faydalı qazıntı yataqlarının qanunsuz 
istismarı və ekoloji cinayətlərin dərhal dayandırılması tələbi ilə Laçın-Xankəndi yolunda 
keçirilən ekoaksiyada fəallıqları ilə seçilirlər. 452 BDU könüllüsü aksiyanın ilk 
günlərindən milli haqlarımız uğrunda rus sülhməramlıları ilə qarşı-qarşıya dayanır, 
mübarizə aparır. 
Ötən ilin dekabrından başlayan aksiyada ölkənin şəhər və rayonlarından,  müxtəlif ali 
təhsil müəssisələrindən olan gənclər soyuq, qar demədən dinc yolla milli dirənişimizin 
önündə durur, Azərbaycanın haqq səsini dünyaya çatdırırlar. Azərbaycan gəncləri əzm 
və qətiyyət, birlik nümayiş etdirərək aksiyanı artıq 60 gündür davam etdirirlər. 

---

Tarix: 10-02-2023, 14:56

---