Məşhur xeyriyyəçinin nəticəsi ADNSU-da tədris şəraiti ilə tanış olub

Məşhur xeyriyyəçi Hacı Zeynalabdin Tağıyevin nəticəsi, neftçi-geoloq Nazim Abdullayev Azərbaycan Dövlət Neft və Sənaye Universitetində tədris şəraiti ilə tanış olub. 
Bu barədə ADNSU-dan məlumat verilib. 
 Görüş zamanı rektor Mustafa Babanlı universitetdə təhsilin inkişafı üçün həyata keçirilən tədbirlərdən, əməkdaşlıq əlaqələrindən, qazanılan uğurlardan danışıb. Rektor, eyni zamanda, XX əsrin əvvəllərində yaşamış məşhur sahibkar və mesenat Hacı Zeynalabdin Tağıyevin ictimai, maarifçilik və xeyriyyəçilik fəaliyyətinin əhəmiyyətini vurğulayıb. 
  Doğma ADNSU-da olmaqdan məmnunluğunu bildirən N.Abdullayev ali təhsil ocağında tədrisin keyfiyyətinin və elmi potensialın müasir standartlara uyğunlaşdırılması istiqamətində görülən işləri yüksək dəyərləndirib.