Türkiyə və Azərbaycanın təhsil müəssisələri arasında əməkdaşlıq perspektivləri barədə müzakirələr aparılıb

Türkiyənin Azərbaycandakı səfirliyinin təhsil müşaviri Ali Rıza Altunel Təhsilin İnkişafı Fondunda olub.
Fonddan AZƏRTAC-a bildirilib ki, A.Altunel Türkiyədəki təhsil sisteminin cari vəziyyəti, bu istiqamətdə görülən işlər və əldə olunan nailiyyətlər barədə məlumat verib.
Görüşdə iki dövlətin təhsil müəssisələri arasında əməkdaşlıq perspektivləri, bu sahədə Təhsilin İnkişafı Fondunun dəstəyi ilə görülə biləcək işlər barədə ilkin müzakirələr aparılıb.