Mingəçevir Dövlət Universitetində Oriyentasiya Günü təşkil olunub
Mingəçevir Dövlət Universitetində (MDU) yeni qəbul olunmuş tələbə və magistrantlar üçün Oriyentasiya Günü təşkil olunub. MDU-nun bir qrup əməkdaşı və tələbə könüllülər universitetlə tanışlıq prosesinə dəstək göstəriblər.
Universitetdən AZƏRTAC-a bildirilib ki, MDU-nun birinci kurs tələbə və magistrantları fakültə dekanlıqları, kafedralar, mərkəzlər, şöbələr, auditoriyalar, laboratoriyalar, kitabxana, yeməkxana, idman kompleksi və universitetin digər struktur bölmələri ilə yaxından tanış olublar. Tələbələrə son dövrdə universitetin modernləşməsi istiqamətində görülən işlərdən bəhs edilib, gənclərin hərtərəfli inkişafı üçün yaradılan imkanlar, ali təhsil mühiti, tələbə həyatı və tədris prosesi barədə ətraflı məlumat verilib və onları maraqlandıran bütün suallar cavablandırılıb.
Qeyd edək ki, MDU-da ənənəvi olaraq hər tədris ilinin başlanğıcında Oriyentasiya Günü keçirilir.
Tarix: 15-09-2022, 17:41