BDU-nun “SABAH” qruplarında 9 ixtisas üzrə 823 tələbə təhsil alacaq

2022-2023-cü tədris ilində Bakı Dövlət Universitetinin (BDU) “SABAH” qruplarının ikinci kursuna 9 ixtisas (biologiya müəllimliyi, coğrafiya müəllimliyi, fizika müəllimliyi, hüquqşünaslıq, kimya müəllimliyi, kompüter elmləri, riyaziyyat müəllimliyi, psixologiya, tarix müəllimliyi) üzrə 355 tələbə qəbul olunub.
Bu barədə AZƏRTAC-a BDU-dan məlumat verilib.
Yeni tədris ilində BDU-nun “SABAH” qruplarında 9 ixtisas üzrə 823 tələbə təhsil alacaq. “SABAH” qruplarının üçüncü kursunda 200, dördüncü kursunda 268 tələbə təhsilini davam etdirəcək.