Beynəlxalq Ana Dili Gününə həsr edilmiş tədbir keçirilib
18 fevral 2022-ci il tarixdə İsmayıllı şəhər İsrayıl Həsənov adına 1 nömrəli tam orta məktəbdə, məktəbin ibtidai sinif müəllimi Güllübəyim Lətifovanın təşkilatçılığı ilə 21 fevral - Beynəlxalq Ana Dili Gününə həsr edilmiş tədbir keçirilib. Məktəb rəhbərliyi, müəllim və şagirdlərin iştirak etdiyi tədbir Azərbaycan Respublikasının Dövlət Himninin səslənməsi ilə başlayıb.
Tədbirdə çıxış edən məktəb rəhbərliyi fevralın 21-nin Beynəlxalq Ana Dili Günü kimi qeyd edilməsinin tarixindən danışıb, dilimizin zənginləşdirilməsi və inkişaf etdirilməsində ümummilli liderimiz Heydər Əliyevin xidmətlərini xüsusi vurğulayıb.
Ardınca məktəbin 3 a sinif şagirdlərinin ifasında ana dilimizin gözəlliyini tərənnüm edən şeirlər səslənmiş, mahnılar oxunmuş, ədəbi-bədii kompozisiya nümayiş etdirilmişdir.
Tarix: 19-02-2022, 06:46