Azİİ e Kitab Evində tanınmış alim Rafiq Əliyevin 80 illiyinə həsr olunmuş kitab sərgisi keçirilib

Fevralın 9-da Azərbaycan Dövlət Neft və Sənaye Universitetinin (ADNSU) Azİİ e Kitab Evində universitetin professoru, texnika elmləri doktoru, AMEA-nın müxbir üzvü, BA proqramlarının direktoru, “Zadə irsi və süni intellekt” Assosiasiyasının prezidenti Rafiq Əliyevin 80 illiyinə həsr olunmuş “Rafiq Əliyev 80” adlı kitab sərgisi təşkil olunub.
Sərgidə Azərbaycan və bir sıra dillərdə nəşr olunmuş informatika, idarəetmə, süni intellekt, qeyri-səlis məntiq və Soft Kompyutingə həsr olunmuş 35-ə yaxın kitab yer alıb. Dünya şöhrətli alim R.Əliyevə həsr olunmuş zəngin sərgi və sərgidə nümayiş olunan kitablar oxucular tərəfindən  maraqla qarşılanıb.