Lənkəran Dövlət Humanitar Kollecində Ümummilli Lider Heydər Əliyevin anadan olmasının 96–ci ildönümünə həsr edilmiş tədbir keçirildi
10 may 2019–cu il tarixində Lənkəran Dövlət Humanitar Kollecində Ümummilli Lider Heydər Əliyevin anadan olmasının 96–ci ildönümünə həsr olunmuş yubiley tədbiri keçirildi. Tədbiri Kollecin TGT sədri Sumarə Bağırzadə aparırdı. Dövlət himni səsləndirildikdən sonra tədbiri giriş sözü ilə kollecin direktoru, r.ü.f.d, dosent Ruslan Həmidov açaraq müasir Azərbaycanın qurucusu, Ulu Öndər Heydər Əliyevin keçdiyi həyat yolundan və müstəqilliyimiz uğrunda titanik fəaliyyətindən danışdı. Daha sonra direktor qeyd etdi ki, Ümummilli Lider Heydər Əliyevin anadan olmasının 96–ci ildönümü ilə əlaqədar kollec üzrə tədbirlər planı hazırlanaraq təsdiq edilmişdir. Plana əsasən tələbələr arasında voleybol idman yarışı keçirilmişdir. Tədbirdə idman yarışında I, II, III yeri tutmuş tələbələrə də fəxri fərmanlar təqdim olundu. Məruzə ətrafında Kollecin II kurs tələbəsi Məkanə Qədirzadə çixiş etdi. Daha sonra I kurs tələbələri Elnarə Miriyeva və Fidan Dadaşzadə şer söylədilər. “Musiqi və təsviri incəsənət” şöbəsinin tələbələri Elnur Əsədov və Rəmzi Qüdrətin ifasında xalq mahnıları ifa olundu. Tələbə Gənclər Təşkilatının, Tələbə Həmkarlar İttifaqının və Fənn Birləşmə Komissiyalarının bülletenlərində Ulu Öndərin həyat və fəaliyyətinə həsr edilmiş xüsusi nömrələr buraxılmış, 10 may tarixində keçirilən ilk dərslər Ulu Öndərin həyat və fəaliyyətinə həsr olunmuşdur. Sonda Ulu öndər Heydər Əliyevin keçdiyi həyat yoluna həsr edilmiş sənədli film nümayiş etdirildi.
Cəmil Quliyev,
LDHK–nın müəllimi
Tarix: 13-05-2019, 10:54