AzTU-da dahi Azərbaycan şairi və mütəfəkkiri İmadəddin Nəsiminin 650 illik yubileyi qeyd olunub
Azərbaycan Respublikası Prezidentinin Sərəncamı əsasında görkəmli Azərbaycan şairi və mütəfəkkiri İmadəddin Nəsiminin 650 illik yubileyi aprelin 24-də Azərbaycan Texniki Universitetində (AzTU) qeyd olunub.
Tədbiri ilk çıxışı ilə açan AzTU-nun prorektoru, professor İsa Xəlilov əsrlərdən bəri qorunub saxlanılan və bu gün də öz aktuallığını itirməyən Şərqin dahi söz ustası İmadəddin Nəsiminin poeziyasının öz fəlsəfi yaradıcılığı ilə seçilən ədəbi məktəb olduğunu bildirib. Azərbaycan ədəbiyyatı tarixində silinməz izlər qoymuş bu qüdrətli söz ustasının yaradıcılığındakı humanist dəyərlərə bu gün də yüksək qiymət verildiyini qeyd edən professor, Nəsimi irsinin müasir dövrümüzdə də insanların mənəvi kamilləşməsinə xidmət etdiyini bildirib.
Çıxışlarda dahi şairin həyat və yaradıcılığından söz açılıb və Azərbaycan tarixinə fəlsəfi şair kimi daxil olan Nəsiminin yaradıcılığında təsvir olunan müdrik və kamil insanlığın təbliğindən danışılıb.
Tədbirdə Nəsimi yaradıcılığı ilə sıx bağlı olan ölkəmizin tanınmış kino, mədəniyyət və incəsənət korifeyləri, xadimləri iştirak ediblər.
Daha sonra Azərbaycanın tanınmış xanəndələrinin ifası və AzTU tələbələrinin şairin poeziyasından hazırladıqları kompozisiyalar təqdim olunub.
Tarix: 26-04-2019, 11:24