UFAZ-ın gələcək super kompüterinin təqdimatı keçirilib
Aprelin 18-də Azərbaycan Dövlət Neft və Sənaye Universitetində (ADNSU) ali məktəbin nəzdində fəaliyyət göstərən Azərbaycan-Fransız Universitetinin(UFAZ) laboratoriyalarına səfər və UFAZ-ın gələcək superkompüterinin təqdimatı keçirilib.
Tədbirdə ADNSU-nun rektoru, professor Mustafa Babanlı, Fransanın ölkəmizdəki fövqəladə və səlahiyyətli səfiri Orelia Buşez, şirkət rəhbərləri, ali məktəb nümayəndələri və digər qonaqlar iştirak edib.
Qonaqlar əvvəlcə UFAZ-ın Kimya mühəndisliyi, Üzvi kimya və Fizika laboratoriyaları ilə tanış olublar. Sonra elmi ekspert, prof. Pyer Kole UFAZ -ın gələcək Superkompüter proqramlarının təqdimatı ilə çıxış edib.
Strasburq Universitetinin doktorantı Ülviyə Əbdülkərimova (UFAZ-ın Riyaziyyat müəllimi) tərəfindən Superkompüter hesablama gücündən istifadə haqqında tədqiqat işinin qısa təqdimatını edib.
Sonda iştirakçıların sualları cavablandırılıb.
Tarix: 22-04-2019, 11:06