Prezident İlham Əliyev təhsil işçilərini təltif etdi

Prezident İlham Əliyev oktyabrın 5-də “Azərbaycan Respublikasının təhsil işçilərinin təltif edilməsi haqqında” və “Azərbaycan Respublikasının təhsil işçilərinə “Əməkdar müəllim” fəxri adının verilməsi haqqında” sərəncamlar imzalayıb.
Sənədlərə əsasən, Azərbaycan təhsilinin inkişafında xidmətlərinə görə 4 təhsil işçisinə 3-cü dərəcəli “Əmək” ordeni, 80 təhsil işçisinə “Tərəqqi” medalı, 71 təhsil işçisinə “Əməkdar müəllim” fəxri adı verilib.