Saytda axtar
Bazar günü  
 12 fevral 2017   23:10:34  

Ali məktəblərə qəbul imtahanında ən yüksək nəticə

 

İmtahanlarda 700 bal topladığıma görə çox sevinirəm. Bunun üçün ilk növbədə müəllimlərimə, valideynlərimə, mənə dəstək olan hər kəsə təşəkkürümü bildirirəm. 
Bunu AZƏRTAC-a müsahibəsində IV ixtisas qrupu üzrə ali məktəblərə qəbul imtahanında ən yüksək nəticə göstərərək 700 bal toplayan 125 nömrəli tam orta məktəbin məzunu Nigar Ağazadə söyləyib.
“Ali məktəbə qəbul imtahanlarının birinci cəhdində 697 bal yığmışdım, 700 bal üçün cəmi 3 bal çatmırdı və bu məni çox məyus etmişdi. İkinci dəfə imtahanda iştirak etməkdə çox tərəddüd edirdim. Müəllimlərim və ailə üzvlərim arasında ikinci dəfə imtahanda iştirak etməyimə razı olanlar və olmayanlar da var idi. Ən çox peşman olmaqdan qorxurdum. Buna baxmayaraq ikinci dəfə şansımı sınamaq qərarına gəldim və imtahanda iştirak edərək maksimum nəticəni göstərdim. İmtahanların cavabını çox həyəcanla gözləyirdim. Ali məktəblərə qəbul imtahanlarına iki il hazırlaşdım. Əvvəlcə birinci ixtisas qrupu üzrə hazırlaşırdım. Lakin X sinfin sonunda fikrimi dəyişərək IV ixtisas qrupu üzrə imtahan verməyi qərara aldım. Ona görə də qarşımda olan bir ili, yəni XI sinifdə təhsil alarkən çox gərgin və məsuliyyətlə çalışdım. Zəhmətimin bəhrəsini görmək məni çox sevindirir. Bu uğuruma görə xüsusən müəllimlərimə, mənə dəstək olan valideynlərimə böyük təşəkkür edirəm. Müəllimlərimin mənə verdikləri təhsilin qarşısında bu uğuru qazandığım üçün çox sevincliyəm”,- deyə Nigar Ağazadə bildirib.
 Xatırladaq ki, Nigar Ağazadə məktəblərə imtahanlarda hər iki mərhələnin cəminə görə maksimal olan 700 bal toplayıb.